Myanmar Thimnak Nicaan Thawn Ding in PPP Party nih Halnak Ca a Tial

| The Chin Journal | Hakha, Chin State

November 8 ah tuah ding in timhtuahnak Myanmar rampi thimnak nicaan thawn ding in People’s Pioneer Party (PPP) nih Union Election Commission (UEC) sin ah September 11 ah ca a ttial, tiah theih a si.

PPP nih UEC sin ca an ttialmi ah December 27 tiang Myanmar rampi thimnak tuah rih lo ding in halnak an ttial.

Myanmar ram ah COVID-19 zawtnak a karh thluahmah bang in Yangon ramtthen chung i peng/myone 28 cu Semi-Lockdown ah chiah an si i, ramkhel party pawl ca ah vote khelnak rian a hun dawnhkhanh ngaingai.

Cu lawng si loin atu bantuk in COVID-19 zawtnak a zual lio ah Thimnak tuah ahcun mipi lak zawtnak i chawnh ning a karh chinchin kho, tiah PPP party nih an langhter.

PPP party cu NLD party in a chuakmi Pyituh Hluttaw palai Daw Thet Thet Khine hruainak October 2019 ah an rak dirhmi party thar a si.

November 8 thimnak nicaan thawn ding in PPP nih halnak ca a ttialmi kong he pehtlai in UEC nih lehnak a tuah rih lo.

Cherhchan: Sandaw Ching

Latest News

News in Burmese