Myanmar Sinum a Purdaptu Inntek Fungtuk le Thongthlak Ding in Dan an Tat

| The Chin Journal | Hakha, Chin State

Singapore ah sinum rian a tuanmi kum 23 Myanmar sinum nute horduhcuai in a purdaptu inntek pa Stanley Cheng Kim Han (kum 44) cu fung in tuk ding in le thongthlak hnu ah tangka zong liamter ding in October 2 ah Singapore biaceih zung nih dan a tat, tiah theih a si.

Myanmar sinum nu a umnak inn ngeitu pa Stanley hi Changi Airport ah Traffic Control rian a tuanmi a si.

A nupi le a fale pahnih khual an tlawn karlak November 2016 ah Stanley nih Myanmar sinum nu cu ihnak khaan zunput ah a hnulei in a kuh i a hnuk a tonghpiak.

Myanmar sinum nih cu kong he pehtlai cun Maid Agency ah thawng a thanh i inntek Stanley cu taza an cuai.

2017 ah Stanley cu a tuannak Changi Airport nih rian a phuah. October 2 ah thla 11 thongthlak ding, S$5,000 liam ding le fungfek in voi 3 tuk ding in biaceih zung nih dantatnak a pek.

-The Straits Times

Latest News