Myanmar Ram ah Avoi Khatnak Bik Thin an Thlenmi Ngakchia Pa Dam Lei a Hun Panh Cuahmah

| The Chin Journal | Hakha, Chin State

Myanmar siibawite le Japan ram Kyushu University Hospital siibawite i bawm in Myanmar ram ah avoi khatnak bik ngakchia pakhat ningcang tein a thin an thlen piak khawh.

Yangon khua ngakchia siizung ah, aluancia March 17 in khan Operation an tuah i March 25 ah ngakchia pa cu dam lei a panh cuahmah cang tiah cozah thawngzamhca Myanmaalinn nih March 28 ah a langhter.

Thin an thlenmi ngakchia pa hi Yangon ramthen Shwepyithar peng um U Saw Min Min le Daw Saw Myat Mon hna i an fapa Mg Nye Nye Min Oo (kum 5) a si.

A chuak ka in thin lei damlonak aa chuahpi chih. Cun a thin cu a car. Hringtu a pa i a thin hnarcheu an lak i an thlopbul hi a si.

Yangon ngakchia siizung in Dr. Daw Soe Soe Dwe nih “Ngakchia pa hi a chuah ka in thin car zawtnak aa chuahpi chih. Ningcang tein operation kan tuah khawh cang. A ngan a dam ngai cang. September thla ah minung pakhat operation tuah ding a um rih. Cozah nih an kan bawmh. Operation khan chung i hman ding thilri pawl a herh rih. Myanmar ram sii lei fimthiamnak thanchoter ding in kan i zuam cuahmah” tiah a chim.

-Myanmaalinn

Latest News