Myanmar President nih AA Hriamtlai Cu Phungninglo Bu an Si Tiah Thawng a Thanh

| The Chin Journal | Hakha, Chin State

Rakhine hriamtlai Arakan Army (AA) cu phungninglo bu an si, tiah Myanmar President nih nihin March 23 ah phungning tein thawngthanhnak a tuah cang.

Atu bantuk in Myanmar President nih AA cu phungninglo bu an si tiah thawng a thanh hi CNF nih Paletwa peng chung AA le Kawl ralkap karlak kahdohnak kong ah cathanh a chuah hnu ah a si.

Myanmar President nih a chuahmi cathanh ah, “AA hriamtlai le amah he aa pehtlaimi bu pawl nih Myanmar ramchung phunglennak, remhdainak le mipi dai tein khuasaknak ah hnorsuannak an pek. Cucaah, Phungninglo bu pohma 16 ning in AA le amah he aa pehtlaimi bu/minung pumpak vialte cu phungninglo an si,” tiah thawng a thanh hi a si.

Atutan hi Myanmar President pi nih AA hriamtlai kong ah Phungninglo bu a si tiin a voi khatnak bik thawng a thanh a si.

CNF  a voi (7)nk General Conference zong ah Chinram chung ah AA hriamtlai cawlcangh lo ding in le atulio AA le Kawl ralkap kahdohnak a rianrannak in ngol ding in March 19 ah cathanh an chuah.

Ref: Akonthi

Latest News