Myanmar Pa Thailand in a Kee Tein a Rak Tlung, Ramri ah an Tlaih

| The Chin Journal | Hakha, Chin State

COVID-19 ruang ah ramri an khar dih caah Thailand ram in a kee tein a rak tlungmi Myanmar pa cu ramri an tlaih, tiah theih a si.

Hi pa hi Thailand ram in ni hnih chung a kee in a rak ra i, Htawai District ah a rak lut.

Hluttaw palai U Bo Htwai nih, “A thlithup in a rak tlungmi a si. Luhnak Gate kan onnak lei ah motor a rami a um loin a thli tein duhsah in a rak lut. Ranong lei i Gate pakhat lawng hi kan onmi a si. A kee in a rak rat lio KNU hriamtlai nih an hmuh i an tlaih,” tiah Irrawaddy sin ah a chim.

A kee in a rak tlung i an tlaihmi pa hi Lawnglung peng, Tuangminpyaung khuate ah a ummi U Thein Zaw a si.

Lawnglung peng cozah ttuanvo ngeitu pawl nih May 18 ah U Thei Zaw cu KNU sin in an vung lak i, Tuangminpyaung khuate i sianginn ah Quarantine an chiah.

Latest News

News in Burmese