Myanmar Idol “Top Finalist” Cazin ah Chinmi an Pathum Ning in an Lut

| The Chin Journal | Hakha, Chin State

October 25 ah an thlahmi Myanmar Idol Season 4 i Green Mile zuamnak ah Chinmi pathum nih teinak an hmu i Top Finalist cazin ah an lut kho cang hna.

Chinmi chung i ahmasa bik ah aa zuammi cu Mindat khuami Yaw Kee a si. Mipi nih an ruahdamh ning tein Top Finalist ah aa tel.

Cu dih cun Esther Dawt Chin caan a phan. Atutan cu Esther Dawt Chin Sung nih a Emotion a vun control khawh ngaingai. Teinak tlamtling he Top Finalist ah a hun kai tthan ve cang.

Benjamin Sum nih Green Mile zuamnak hla a sak lio ah Judge pathum an lung a tling tuk hringhran. Amah zong Top Finalist ah a lut colh.

Myanmar Idol zuamnak pawl TV ah an thlahmi le online ah an thlahmi pawl hi LIVE si loin Edit chommi a si tikah Myanmar ramchung ah soiselnak a um pah. Drama bantuk in tuanbia an ser i an thlah tik ah soiselnak tete a um ngaingai ve.

Top Finalist cazin ah aa telmi pawl zuamnak cu aralaimi cacawn ninga ni thotho ah an thlah tthan te lai. Chinmi pathum ning in an i tel caah lung a hun tur chinchin cang lai.

“Eiant Mat Sone Ya” timi hlasak zuamnak ah cun David Lai nih tuanbia dawh a rak ttial cang i atu Myanmar Idol ah teh Chinmi pathum nih tuanbia thar an ttial tthan kho te hnga maw timi lungtur ngaingai in kan cuan rih hna lai.

Latest News