Myanmar Idol ah Chinmi Pathum Next Level an Kai Rih

| The Chin Journal | Hakha, Chin State

October 18 zaan ah an thlahmi Myanmar Idol (Season 4) Theater Round-2 ah aa zuammi hna lak ah Chinmi pathum cu Round-3 ah tlamtling tein an kai kho.

Theater Round-2 hi a bu in hlasak zuamnak a si i, a thiam bikbik lawng an thim hna.

Tuzan ah Chinmi 4 an i zuam. Cu hna cu: Esther Dawt Chin Sung, Mai Moe Khaing, Salai Yaw Kee le Benjamin Sum an si.

Myanmar Idol ah mipi nih an hun cuah ngaimi Esther Dawt Chin Sung cu Judge te nih amah lawng hnu ah vun thawnter i ka sung rua tiin a hun ttap. Asinain, teinak a hmu.

Esther Dawt Chin Sung he Group khat ah a sa vemi Matupi khuami Mai Moe Khaing tu cu a hun tla ruangmang cang.

Myanmar Idol ah mipi nih an hun theih ngaingaimi le an uar ngai vemi Salai Yaw Kee zong tuzan ah a kai kho. An Group ning tein annih cu an kai.

Benjamin Sum te Group zong an thiam taktak. Nu pahnih pa pahnih an si i, an Group ning in an kai.

Atutan Myanmar Idol, Theater Round-2 ah Chinmi pali an i zuam i minung pathum an kai kho. Next Level hmaizarh ah zei an lawh te lai. Cuan rih hna u sih.

Latest News