Myanmar Idol ah Chinmi nih a Voi Khatnak Bik Tuanbia an Tial Kho Lai Maw?

| The Chin Journal | Hakha, Chin State

Atu kum Myanmar Idol ah Chinmi nih Winner an co a si ahcun kum 4 chung pehzul in an tuahmi Myanmar Idol ah Chinmi nih a voi khatnak bik tuanbia an ttial a si ve lai.

Myanmar Idol hlasak zuamnak cu Shwe Thanlwin Company nih 2016 in a rak thawkmi a si i, atutan Season 4 hi a voi 4nk a si.

2016 ah Kayin pa Saw Lar Htaw Wa nih Winner a rak co. 2017 ah Mandalay pa Thar Ngye nih a co i 2018 ah Phyo Myat Aung nih a rak co.

Atutun 2019 zuamnak ah aa za bakbak timi hna lak ah Chinmi pathum an i tel–Benjamin Sum, Esther Dawt Chin Sung le Salai Yaw Kee an si.

“Eiant Mat Sone Ya” ah cun David Lai nih tuanbia dawh a rak ttial cang i atu Myanmar Idol ah teh Chinmi pathum nih tuanbia thar an ttial tthan kho te hnga maw timi lungtur ngaingai awk zong a si.

Atu ah minung 22 an tang i October 25 ah Green Mile timi tlangtar in zuamnak an hun tuah tthan lai i, a cheuchum an tla lai, acheuchum Top Finalist ah an kai cang lai.

Latest News