Myanmar Cu Biaknak Dang Cung Upatnak a Ngeimi Kan Si: De-Oo Sayadaw

| The Chin Journal | Hakha, Chin State

Myanmar ram Buddhism biaknak hruaitu lak ah minthang ngai pakhat a simi De-Oo sayadaw nih Myanmar rammi hna cu biaknak dang cung ah upatnak a ngeimi kan si, tiah Washington DC a phak lio i VOA he biaruahnak ah a langhter.

“Kanmah kan ngakchiat lio sianginn kan rak kai zong ah biaknak dang minung hna he i kom in kan rak tongleng ti hna. Biaknak i dan ruang ah i dohdalnak le i entainak hi ahlan tein Myanmar ram ah a rak tlawm. Atu hnu belte ah biaknak kong ah buaibainak tete an hun um than,” tiah a chim.

“Atu ah biaknak lei buaibainak chuahter ding in a tuahtu an um ruang ah a si. Cu zong cu mi tlawm u te an si ko. Hun chim ko ahcun pialsual (Extremist) ti ngaingai ding in midang biaknak cung ah ral zoh in zoh timi lungput hi Myanmar ah a tlawm lei a si ko,” taih a langhter chap.

Cun, Buddhism biaknak hrimhrim hi dawtnak le zaangfahnak cung ah hram a bunhmi a si i, kanmah nakin a har deuhmi, a niam deuhmi hna cung ah bawmhchanh duhnak lungput hi kan kalpi, tiah a chim chap.

-VOA

Latest News