Myanmar COVID-19 Miharsa Bawmhnak Tangka Let Khat Tam in an Pek Than Lai

| The Chin Journal | Hakha, Chin State

COVID-19 ruang ah harsatnak a tongmi Myanmar ramchung miharsa deuh hna sin ah a voi hnihnak bawmhnak pek ding in ramkomh cozah nih timhtuahnak a ngei, tiah theih a si.

May 16 ah Myanmar President Zung biachimtu U Zaw Htay nih Online in Press Conference a tuah i, a voi hnihnak bawmhnak kong a langhter.

Asinain, a voi khatnak bantuk in thilri in pek si loin atutan cu tangka in pek a si cang lai.

“Tangka in bawmh ti tik ah Online Payment tibantuk zong kan hman lai. Abiana ah, Wave Money le KBZ Pay tibantuk hman a si lai,” tiah U Zaw Htay  nih a chm.

A voi khatnak bawmhnak an pek ah khan chungkhar pakhat  nih Kyat 12,000 in 20,000 man cio hrawng an tingco.

Asinain, atutan cu Kyat 30,000 in 40,000 karlak cio tangka fang in bawmhnak pek ding in timhtuah a si cang.

Hi bawmhnak hi aralaimi zarh thum chung hrawng ah rammi sin ah phakter a si lai, tiah U Zaw Htay nih a chim chap.

Latest News

News in Burmese