/

Myanmar Aiawhtu UN Palai nih Thil Phun 6 a Hal

The Chin Journal | Hakha | Chin State

Nihin February 26 ah US ram, New York khua i UN zungpi ah UN General Assembly tonpumhnak an tuah i, Myanmar aiawhtu UN Palai U Kyaw Moe Tun nih UN le vawleicung ram kip sin ah thil phun 6 a hal.

U Kyaw Moe Tun hi Myanmar mipi thimmi cozah aiawhtu UN palai (Permanent Representative) a si i, atutan zong ah hin Myanmar rammi hna le Committee Representing Pyidawngsu Hluttaw (CRPH) aiawh in bia a chim.

Myanmar UN Palai U Kyaw Moe Tun nih a halmi thil phun 6 cu a tanglei bantuk hin an si:

  • Myanmar ralkap nih uknak a chuhmi kong ah UN nih duhlonak cathanh langhngan tein kan chuahpiak.
  • Myanmar ralkap sermi State Administrative Council hi UN nih azeitilei hmanh in theihpi hrimhrim hlah u.
  • 2020 Myanmar ram thimnak result, Myanmar ralkap nih a cohlan nakhnga rak kan hnekpiak u.
  • Myanmar mipi nih an thimmi cozah kut cung ah uknak an ap tthan hlanlo Myanmar ralkap he rianttuan tti pehtlaihnak tuah hlah u.
  • Lamzawh tu hna cung i Myanmar ralkap nih hranhramnak (Violence) an tuahmi kong ah a fak bikmi lehrulnak kan tuahpiak hram u. Cun, ralkap uknak a dihdongh zau nakhnga a rianrannak in kan tawlrelpiak u.
  • Committee Representing Pyidawngsu Hluttaw (CRPH) hi UN le vawleicung ram kip nih rak kan theihpipiak hram u, tiah U Kyaw Moe Tun nih UN ah halnak a tuah.

New York ah tuahmi UN General Assembly ah vawleicung ram 193 in aiawhtu hna an kai kho, tiah theih a si.

U Kyaw Moe Tun nih UN General Assembly ah bia a chim lio, February 26, New York.

THE CHIN JOURNAL

The Chin Journal Internship Program ah Thantlang le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.