Moebe Palik Sakhaan PDF nih an Lak, SAC Ralhrang 4 an Tlaih Hna

| The Chin Journal | Hakha, Chin State

Shan ramkulh le Kaya ramkulh ramri ah a ummi Moebe khua i SAC ralhrang palik sakhaan cu nihin chun ah mipi ralkap bu nih an lak khawh.

SAC ralhrang a thimi ruak

Kahdohnak sau nawn fak ngaiin a chuah hnu ah mipi ralkap bu PDF le tlangcungmi hriamtlai bu i bawm in an lak khawh hi a si.

A nung in an tlaihmi ralhrang pawl

Ralhrang sakhaan chung a thi lomi ralhrang 4 a nung in an tlaih hna. Ralhriam pawl zong tam lakte PDF nih an lak khawh.

SAC ralhrang 14 an thi i PDF lei in minung 2 hliamhma an pu hna, tiah RFA nih a ttial.

Atulio hi Kaya ramkulh chung ah PDF nih pehzul in kahdohnak an tuah i Free Burma Ranger zong nih an bawmh hna.

Nizan ah Kaya ramkulh, Di-maw-seo khua i ralhrang security checkpoint pakhat zong PDF le Free Burma Ranger nih an lak i mei in an khangh.

Latest News

News in Burmese