Mizoram ah PUBG Game Sungh Ruang ah Nam i Sawhnak a Chuak

| The Chin Journal | Hakha, Chin State

Atulio vawleicung ah alar bikmi Game pakhat a simi PUBG sungh ruang ah Mizoram ah nam i sawhnak a chuak, tiah theih a si.

April 28 ah khan Mizoram, Champhai khua, Rahsi sang ah R.K Lalchungnunga timi pa cu PUBG a sungh caah a teitu Bza timi pa cu nam in a sawh tiah Mizoram tualchung thawngzamhnak Zonet nih a langhter.

R.K Lalchungnunga nih Bza cu a liang ah voi hnih, a hnak ah voi khat le a phei ah voi khat tiin nam in a sawh hliam a tuarmi Bza cu a zual caah Aizawl sizung ah an kalpi.

R.K Lalchungnunga cu palik nih an tlaih khawh colh ve i biaceih zung ah chuahpi ding in palik thonginn ah an hren chung, tiah theih a si.

-Khonumthung Burmese

Latest News