Mizaw Nu a Thih Caah Doctor Pa Thi Lak i an Vuak| Video

| The Chin Journal | Hakha, Chin State

India ram, Assam State sizung pakhat ah kum 33 a simi mizaw nu a nunnak a liam ruang ah sizung ah rian a tuanmi kum 75 sibawi Dr. Deven Dutta timi pa cu thi lak in an vuak, tiah theih a si.

Assam State, Jorhat Medical College and Hospital ah Sukra Majhi (kum 33) timi mizaw nu an ratpi nain sibawite daithlan ruang ah a nunnak a liam, tiah chungkhar nih sizung cung ah sual an phawt.

Cuka sizung ah rian a tuan vemi Dr. Deven Dutta hi a rian in aa din cangmi a si nain ruahnak petu ah an hman rihmi a si.

A thimi mizaw chungkhar le thinhun ingpuang in a ummi mipi nih Dr. Deven Dutta cu fak tuk in an velh i August 31 ah a nunnak a liam.

Thi lak in vuak a tongmi Dr. Deven Dutta hi Jorhat chung ah sibawi rian sau bik a tuanmi le hmuhtonnak tam bik a ngeimi a si lai an timi zong a si.

-NDTV

Latest News