Minung Zuartu 486 Kan Tlaih Cang Hna Tiah VP Henry Van Thio Nih a Chim

| The Chin Journal | Hakha, Chin State

2018 thawk in nihin ni tiang ah Myanmar ramchung i minung cawkzuarnaka tuahtu (Human Trafficker) 486 kan tlaih khawh cang hna, tiah Myanmar Vice President Henry Van Thio nih September 13 ah a chim.

A voi 7nk Myanmar ramchung minung cawkzuar dohnak ni (The Seventh Anti-Trafficking In Persons Day) cu September 13 ah Naypyidaw ah an tuah i cuka hmun ah cun Henry Van Thio nih a cunglei bang in a chim hi a si.

“Atulio Myanmar ram ah minung zuarnak case 210 a um. Pa 32, Nu 258, an zapi ah 290 hi minung zuartu nih hmundang ah an zuar hna. Minung zuar sualnak a tuahtu pa 152, nu 334, an zapi ah minung 486 tlaih an si” tiah a chim.

2018 cazin ning ah zuar a tongmi hna zapi i zatuak in 75.24% cu hramhram in va ngeih ding in zuar an si. 13.59% cu hlawhhlang tuanter an tong.

Cun, 8.74% cu hramhram in rianhrang an tuanter hna. 1.94% hi mi nau an pawiter hna (surrogate mother). 0.49% hi mi nih i cawn ding in an zuar hna, tiah theih a si.

Latest News