Chin Ram ah Pupa Ram a Um Lo, Lothlo Bu nih Cozah Nan Kan Zuamcawh Ahcun Nan Sung Lengmang Ko Lai

| The Chin Journal | Hakha, Chin State

Chin ram ah pupa ram  a um lo, lothlo bu nih cozah nan kan zuamcawh a si ahcun nan sung zungzal ko lai tiah Hakha khuathar ah tuahmi mipi he biaruahnak hmun ah Minister Pu Sui Thio nih a chim, tiah ton biaruahnak hmun i aa telmi hna sin in theih a si.

Ton biaruahnak hmun i aa tel vemi MP hlun Pi Za Tlem nih; “Hi ton biaruahnak ah hin lothlo bu nih an ka sawm caah ka telmi a si. Pu Sui Thio nih ‘Chin ram ah pupa ram a um lo, pupa ram tiin signboard an tar len zong ah cozah cu an kan tei lai lo, tiin a chim.”

Kan ngeihmi pupa ram le kan lo hmunhma pawl, cozah Town Planning ah aa tel sual lai tiin lam kan zawh, duhlonak kan langhter cuahmah lio caan ah, hi bantuk biachim cu lungrawk taktak a si tiah Pi Za Tlem nih a chim.

Atu bantuk in ton biaruahnak an ngeih hi Daw Aung San Suu Kyi Hakha a rat lio a si i Khuathar No.2 sianginn bawmhnak pek a timh. Bawmhnak a hun phak tik ah zeitindah rian kan tuan lai timi i ceihmainak an ngeih lio ah a chim hi a si.

Hi kong he pehtlai in Minister Sui Thio sin ah thil sining hlathlainak tuah a si;

“Hihi cu cunglei Myanmar ram vawlei lei Tax pekning upadi ka relmi a si. Pupu ram hi a um zong a um kho ko. Asinain, pupa ram ngeitu nih kum 2 tiang vawlei Tax an pek lo a si ahcun pupa ram a si kho ti lo. ‘Lothlo bu an sung zungzal lai timi bia tu cu ka chim lo, chimnak ding a ruang zong a um lo” tiah Minister Sui Thio nih a chim.

Chin World

Latest News