Mindat SAC Ralhrang Sakhaan Pakhat Meithal Puah Loin an Lak

| The Chin Journal | Hakha, Chin State

Mindat peng, Magwe-Ingnu khua ah a ummi SAC ralhrang sakhaan i an ralbawi telh in ralkap 20 hrawng nih Mindat-CDF sin ah ralhraim an chiah.

Hi SAC ralhrang sakhaan ah a ummi ralkap pawl hi SAC uknak a duhlomi zong an um hna.

July 24 ah Mindat-CDF nih an kal hnawh hna i, hriam nan chiah lo cun kan in kah hna lai, tiah an ti hna caah an ralbawi Captain Thein Hteik telh in a kut tang ralkap vialte nih hriam an chiah.

An thilri an tlaihmi hna lak ah Mongywa hrambunh South Western Command Center (အနောက်မြောက်တိုင်းစစ်ဌာနချုပ်) i ralkap thilthuam le MA-1, MA-3 meithal pawl le a dangdang ralhriam pawl an i tel hna.

Mindat-CDF he tuan deuhpi ah a rak i fonh cangmi ralbawi pakhat nih, “Thisen dor khat hmanh tla loin hriam an chiah. Ralhriam a chiami ralkap pawl ttha tein an zohkhenh ko hna,” tiah a chim.

Magwe-Ingnu SAC ralhrang sakhaan ah hin ralkap le palik fonh in an um i, ahlan piin khuami he daw le rem in a rak ummi an si.

Ralhraim a chiami SAC ralkap pawl cu Mindat-CDF nih an tlaih hna i, an sakhaan tu cu mei in an khanghpiak hna.

Latest News

News in Burmese