Mindat Meikanghnak ah Minung Pakhat a Nunnak a Liam

| The Chin Journal | Hakha, Chin State

Nizaan (July 22) zaan sml. 11:00 hrawng ah Mindat khuachung ah inn pakhat a kaang i minung pakhat a nunnak a liam, tiah Mindat khuami sin in thawng kan theih.

Zaan sml. 11:00 hrawng meithal kah thawngpang le bomb puah thawngpang a thang i a rauh hlan ah inn a kaang.

Mindat zatlangbu rianttuantu pakhat nih, “Nizaan ah inn 4 a kaang tiah kan ruah. Asinain, nihin zing ah inn pakhat lawng a kanghmi kan hmuh,” tiah a chim.

Zaanmui lak ah SAC ralhrang nih a cawlcaangmi paoh meithal in an kah caah innkangh lio ah mi an chuak ngam lo i thil sining fiang in an thei kho lo.

Zinglei ah thil sining an vung zoh tik ah inn pakhat a rak kaang i motorcycle pahnih zong a kangh chih.

A kaangmi inn ngeitu chungkhar lak ah minung pakhat a nunnak a liam i a dang pakhat hliamhma a pu, tiah Mindat khuami Salai Ling Yaw Law Thang nih a chim.

Hi inn ah hin pafa an um i a nunnak a liammi hi a fapa a si. A pa tu cu hliamhma a pu i nunhim in a um.

Zeitindah mei hi a thawh timi fiang ngaingai in theih a si nain SAC ralhrang nih an kahmi bomb ruang ah a si kho, tiah an ruahdamh.

Latest News

News in Burmese