Mindat COVID-19 Mizaw 4 an Dam, Mindat ah Mizaw an Um Ti Lo

| The Chin Journal | Hakha, Chin State

Nihin zinglei ah Mindat sizung ah a ummi COVID-19 mizaw 4 cu damnak an hmu cang i sizung in chuahnak nawl an pek hna, tiah theih a si.

Mindat hi Kawlrawn he aa naihnak bik khua a si bantuk in Chin ramkulh chung ah COVID-19 mizaw tam bik an hmuhnak a si. Atu tiang ah Mindat ah COVID-19 mizaw 25 hmuh an si cang.

COVID-19 mizaw 25 chung ah a dang pawl damnak an rak hmu dih cang i a taangmi minung 4 zong nihin ah chuahter an si cang.

Atu ah cun Mindat khua ah COVID-19 mizaw an um ti lo. Asinain, COVID-19 zawtnak an ngei kho tiah lunghrinhmi minung 2 an um i sizung ah an zohkhenh ve hna.

Nihin zinglei ah khan Mindat khualuhnak ah Paletwa ralzam hna ca ah eidin tirawl a phortu motor mongtu pakhat sin in COVID-19 zawtnak hmuh a si i, cu pa cu a umnak khua lei ah thlopbulnak ngeih ding in an kuat tthan, tiah theih a si.

Latest News

News in Burmese