Mindat ah a Thimi SAC Ralhrang Ruak Lamkam ah an Phum Hna

| The Chin Journal | Hakha, Chin State

May 21 ah a cangmi Mindat peng, Bukun khua kahdohnak ah SAC ralhrang lei in a thimi pawl cu lamkam ah an ruak an phum hna, tiah Mindat mipi uknak bu nih nihin zaanlei ah thawngpang an chuah.

Nizaan kahdohnak ah CDF-Mindat lei in Salai Thang Naing nih a nunnak a pek i, ralhrang lei in a tlawm bik minung 5 an thi.

Mindat mipi uknak bu nih, “Nizaan kahdohnak ah SAC ralhrang lei in a tlawm bik minung 4 an thi. An ruak pawl cu lamkam ah an phum hna. A hmutu an um,” tiah a langhter.

Cu lawng si loin, nizaan kahdohnak ah SAC ralhrang pawl hi ritsi an hmang in misawhsawh thilpuan i hruak in CDF-Mindat pawl a rak kan kah. Ritsi an i chunhnak syringe (siichunhnak/ဆေးထိုးအပ်) le mortar bomb hawng pawl zong kan hmuh hna, tiah an langhter chap.

Bukun khua i May 21 kahdohnak ruang ah ramlak ah nulepa nih an zaampi vemi ni 6 bawhte zong nihin chun ah a nunnak a liam.

Latest News

News in Burmese