Min Aung Hlaing Khualtlawnnak ah Mipi nih NLD Thantar he an Don

| The Chin Journal | Hakha, Chin State

Myanmar ralkap bawizik Snr-Gen Min Aung Hlaing cu October 29 ah Shwebo khua ah a phan i, Shwebo mipi nih NLD thantar he an don, tiah theih a si.

Atutan Min Aung Hlaing khualtlawn ah Falam zong a pal lai tiah thawngpang a leng nain Kalay tiang lawng a phan.

A khualtlawnnak in a kirlei, Sagaing ramtthen, Shwebo khuachung a vun luh ah mipi nih lamkam in an rak orh i NLD thantar an lek hnawh.

Thantar an lek hnawh lawng si loin Speaker in Daw Aung San Suh Kyi an phuahmi hla an chuah i mipi nih cu hla cu an sak hnawh.

NLD cozah chan ah Min Aung Hlaing hi Shwebo khua ah atu hi a voi khatnak a phanh a si.

Shwebo khua cu ahlan 1990 thimnak, 2012 caankarlak thimnak le 2015 thimnak ah NLD lawnglawng nih teinak a rak hmuhnak khua a si.

Tu kum March 11 ah khan Daw Aung San Suh Kyi pumpak zong Shwebo khua ah a rak phan i mipi nih bongbong le chengcheng he hlunghlai taktak in an rak don.

Latest News

News in Burmese