Mi Lu Tampi a Tantu ISIS Ralhrang Pahnih US ah Biaceih Ding in an Tlunpi Hna

| The Chin Journal | Hakha, Chin State

Syria ram i Syrian Democratic Forces (SDF) thonginn ah hrenmi ISIS ralhrang pahnih cu US ram ah biaceihnak i huah ding in October 10 ah US ralkap nih an tlunpi hna, tiah theih a si.

Hi ralhrang pahnih hi Alexanda Kotey le El Shafee Elsheikh tiah auhmi an si i, British rammi an rak si. ISIS ralhrang bawmh ruah ah Syria ah an rak kal.

ISIS an rak tthawn lio hrawng ah hi ralhrang pahnih nih hin mi lu tampi an rak tan hna i an rak thahmi hna lak ah US rammi zong an i tel hna.

Mi lu an rak tanmi lak ah American rammi James Foley, Steven Sotloff le Peter Kassig zong hi an i tel tiah an zumh.

Cucaah, Syria ram in US ralkap chuah hram an thok bang in hi ISIS ralhrang pahnih hi US ah an i hruaih chih hna.

Atulio Syria ram i SDF hriamtlai thonginn ah ISIS ralhrang thongtla 2,500 hrawng an um, tiah Fox News nih a ttial.

 

Latest News