Mi Kut Tlaih Lo Ding in Bia an Rawnh Caah Daw Suh nih Ahohmah Damdam Tlai Hna Lo

| The Chin Journal | Hakha, Chin State

Atutan Daw Aung San Suh Kyi Shan ramkulh a tlawn lai ah midang kut va tlaih lo ding in bia an rawmh ta caah rammi ahohmanh damdam a tlai hna lo, tiah theih a si.

COVID-19 zawtnak nih vawleicung ram kip a hun tlerhkhawn bang in Myanmar ram ngandamnak zungpi nih Daw Suh zong khual a tlawnnak ah mi kut tlaih lo ding in bia an rawnh ta ve.

Daw Suh pumpak nih, “Ngandamnak lei vuanci nih ahohmanh an kut va tlai hna hlah tiah bia a ka rawnh ta caah ahohmanh damdam kan tlaih hna lonak a si,” tiah Shan mipi sin biachimnak ah a telh chih.

Kan innpa ram le vawleicung ram tampi ah VOVID-19 zawtnak a tlun tik ah kan ram zong a phak lai le phak lai lo theih a si lo. Cucaah, ngandamnak zung nih ruahnak a kan pekmi zulh hi a herh tukmi a si, tiah a chim chap.

Ref: Mizzima

Latest News

News in Burmese