Matupi Peng a Hnubik Thawngpang: Thlihran Ruang ah Minung Umnak Inn 70 Leng a Rawk

| The Chin Journal | Hakha, Chin State

Nizaan Matupi peng thilhran ruang ah minung umnak inn 77, Khrihfa Biakinn 4, Phungki sianginn 1 le cacawnnak sianginn 4 a cung chanphio vialte aa hawk dih tiah theih a si.

March 31, zaan suimilam 11:00 hnu ruahsur le thlihran ruang ah Matupi khua, Lawngban sang minung umnak inn 15, phungki sianginn 1 le na-ta-la tang a ummi thilthit cawnnak (eain-dwin-hmu) sianginn a cung champhio pawl aa hawk.

Sanbawng sang ah minung umnak inn 6, Khubawi sang Khrihfa biakinn 1 le Ngala sang minung umnak inn 2 a cung chanphio pawl aa hawk dih.

Cun, Matupi pengkulh Pha-naing khua ah minung umnak inn 5, phungki sianginn 1 le ce-let siikhan inncung champhio vialte aa hawk dih. Ngalai khua minung umnak inn 8 le biakinn 2, Pamai khua inn 14, Laysin khua inn 4, Balay khua inn 1, Lungngu khua inn 8, Livan khua inn 2, Chianpun khua inn 6, a cung champhio aa hawk dih tiah theih a si.

Matupi peng Lailenpi khua zong ah minung umnak inn 3 le sianginn 2 a cung chanphio vialte aa hawk dih tiah Matupi cozah thawngzamh zung nih a langhter.

Thlihran ruang ah harnak a tongmi hna cu Matupi peng GAD zung lutlai U Toe Toe Thang le tuanvo ngeitu hna nih inn remhnak caah bawmhnak tete an pek hna.

Matupi pengkulh chung thlihran ruang ah chungkhar dawng 87 harnak an tong. Ks. Ting 100 man hrawng sungzatlak an tong tiah ruahdamh a si.

Latest News