Matupi-CDF in Salai Thang Sui nih Miphun ca ah a Nun a Pek

| The Chin Journal | Hakha, Chin State

July 24 ah cangmi kahdohnak ah Matupi-CDF in Salai Thang Sui nih ram le miphun ca ah a nunnak a pek.

“Salai Thang Sui nih miphun ca ah pumpek ding in bia aa tiam bang in a nunnak a pekmi cung ah Matupi-CDF nih upatnak kan pek i taantakmi chungkhar kan ngaihchiatpi hna,” tiah Matupi-CDF nih upat peknak le ngaihchiatpinak ca an chuah.

July 23 le 24 ah Thlanglei Laitlang ah Mindat-CDF le Matupi-CDF i bawm in SAC ralhrang he kahdohnak a chuak i Mindat-CDF lei zong in patung no pakhat a nunnak a liam.

Mindat-CDF in a nunnak a liammi hi Pu Chai Thang a si, tiah kan theih.

Mindat lei ah SAC ralhrang nih thazaang tampi an chap caah aralaimi nicaan chung ah pehzul in kahdohnak a fak kho.

July 20 in aa thawk tthanmi Mindat peng kahdohnak ruang ah ralzam milu 800 hrawng an i chap tthan.

Latest News

News in Burmese