March Thlathih Tiang Sianginn Kai Ding Timi Kong ah Duhlo Langhternak a Karh

| The Chin Journal | Hakha, Chin State

January 5, 2020 ah Myanmar ram Fimcawnnak Vuanci Zungpi nih March thlathih tiang sianginn kai a si cang lai, tiah thawng a thanh hnu in Myanmar ram hmun tampi ah duhlo langhternak an tuah hna.

Atu bantuk in cacawn caan an sauhmi kong he pehtlai in January 8 ah Yangon University of Education (YOEU) nih duhlo langthernak cawlcanghnak (Green Ribbon Movement) an tuah i Myanmar ramchung Education College tampi nih an hun tuah cio hna.

Yangon, Magwe, Sagaing, Taungyo tibantuk pawl ah siangngakchia le saya/mate telh in Green Ribbon Movement cu pehzul in atu an tuah cuahmah.

March thlathih tiang sianginn kai ding timi kong ah Myanmar ramchung cachimtu saya/ma bu zong nih December 22 le January 5 ah duhlonak cathanh an rak chuah i Fimcawnnak Zungpi nih atu bantuk in biachahnak a tuahmi kong hi letpiak tthan ding in an hal.

Fimcawnnak Zungpi nih thawng a thanh ning ah “Taang – 4 le Taang – 8 hi February 14 in March 3 tiang caminpuai an phi lai. A dang cataang pawl (Taang – 5, Taang -6, Taang – 7 le Taang – 9) hi Taang – 10 caminpuai phit dih hnu March 23 le 31 karlak ah caminpuai an phi ve lai,” ti a si.

Taang-cheu, Taang-1, Taang-2 le Taang-3 belte cu caminpuai phit um ti loin ding timhtuah a si.

Cherhchan: BBC, The Voice

Latest News

News in Burmese