Mandalay Um Kum 73 Tarpa nih Tanghra Camipuai Phit Than a Timhnak Kong Hitihin a Chim

| The Chin Journal | Hakha, Chin State

Mandalay ramthen ah a ummi kum 73 tarpa ‘U Sai Aung Nyunt’ tu kum tanghra camipuai phit than a timh caah ca zohnak time table i ser in ca a zoh cuahmah cang.

“Kum 70 leng ka si cang nain tanghra awn ka duh zungzal rih. Sianginn ca he kaa hlatnak caan kum 50 leng a si cang” tiah U Sai Aung Nyunt nih a chim.

Kum 18 a si lio i a rak awn thai lomi tanghra camipuai cu atu in avoi 4nk phit aa timh hi a si.

“Tanghra camipuai phit ka duh thannak a ruang cu; ka fapa hniangbik Australia ah Degree a lak lio ah hin keimah he aa tthi-rualmi pawl le kum 90 hrawng tar pipi zong nih Degree an lakmi ka hmuh. Cu nakin cun, tanghra camipuai phit than duhnak lungthin ka ngeih hi a si” tiah U Sai Aung Nyunt nih a chim.

Hi kong ah harnak pakhat a tonmi tu cu anmah chan lio tanghra ca he zeihmanh aa lo ti lo. By Heart ding in aa harh ngaimi tete zong tampi a um cang.

Fimcawnnak leikap ah a tlam rak tling hlah hmanhsehlaw sipuaizi leikap ningcang in kar a hlan khawh ruang ah chungkhar nih bochanmi pasaltha a si. Asinain, a thih hlan ah tuah ding thil pakhat a tang rih tiah aa ruahmi cu tanghra awn hi a si.

Cucaah tu kum 2019 tanghra camipuai phit than aa tim, ca zohnak time table tete zong a tuah. Tanghra a awn ahcun ramdang ah University  kai than ding in timhlamhnak a ngei.

-7Day TV News chung in langhtermi a si.

Latest News