Mandalay Sizung an Phak Lecangka in Tangka Hlen Dih a Tongmi Kum 75 Tar Nuva

| The Chin Journal | Hakha, Chin State

Shan ramkulh in Mandalay sizungpi ah i thlopbul awkah a rak panhmi kum 75 tar nuva cu sizung an phak hnu tlawmpal ah phaisa hlenthawi an tong dih i lungrethei awlokchong in an um, tiah theih a si.

Hi tar nuva hi Taungkyi phak lai Innlay ah a ummi an si i, nizan August 18 zinglei ah khan Mandalay sizung ah an phan.

Chun hrawng ah pa pakhat an sin ah a rak ra. Mizaw a zohmi anmah khuami bantuk in aa chim i, tarpa cu leng ah lakphakti din i bia i ruah ding in a kalpi.

A rauh hlan ah cu pa cu sizung chung ah a rung lut than i tarnu sin ah a kal. “Ka pu nih tangka bawm lak a ka fial” tiah tarnu cu hlen.

Tarnu zong nih a vapa nih a fialmi ah a ruah taktak ve i phaisa bawm cu a pek. Cu caan thawk cu cu pa cu an hmu thai ti lo.

Phaisa bawm aa tlikpi cang caah tarnu le tarpa i an hmatpungtin zong aa tel pin ah an fale chawnh nakding phone number an i tialmi zong aa tel chih.

An fale zong thawng an thanh khawh ti hna lo caah tarnu le tarpa hmanthlak cu online ah an tar i an fale nih rak pehtlaih  ding in thawng an thanhpiak hna.

Latest News