Mandalay Lamzawhtu pawl Kah ding in Nawl a Petu Palik Bawizik Nupi COVID-19 in Thi

| The Chin Journal | Hakha, Chin State

Mandalay khua ah an rak tuahmi ralkap uknak duhlo lamzawhnak a tuahtu pawl meithal in kah ding in nawl a petu Mandalay palik bawizik U Win Tun (ရဲမှူးချုပ်) i a nupi cu August 1 ah COVID-19 in a thi, tiah Mizzima nih a ttial.

U Win Tun nupi Daw May Than Nwe a thihmi kong he pehtlai in Myanmar Alin ke Kye Mon zong ah SAC nih ngaihchiatnak an langhter.

Daw May Than New ngaihchiatpinak SAC thawngzamhnak catlap ah an ttialmi

U Win Tun hi SAC nawl zul in Mandalay lamzawhtu mino pawl meithal kuan taktak in kah ding in nawl a petu le ttuanvo ngeitu bik a si, tiah an timi a si.

U Win Tun nupi Daw May Than Nwe cu Naypyidaw i ihkhun 1000 sizungpi ah August 1, zinglei sml. 9:20 ah COVID-19 in a thi.

Daw May Than Nwe chungkhar ngaihchiatpinak cu August 2 chuak Myanmar Alin le Kye Mon ah SAC ralkap le palik pawl nih an langhter hna.

Latest News

News in Burmese