Malaysia in a Rak Tlungmi Minung 10 Sin in COVID-19 Zawtnak Hmuh a Si Cang

| The Chin Journal | Hakha, Chin State

Malaysia ram in Myanmar ram ah a rak tlungmi minung 10 sin in COVID-19 zawtnak an hmuh cang, tiah theih a si.

COVID-19 ruang ah innpa ram ah aa hrengmi Myanmar mi pawl cu Myanmar cozah nih vanlawng in a lak hna i Quarantine ah an chiah hna.

Malaysia ram in a rak tlung i, Quarantine ah an chiahmi hna lak ah Chin ramkulh, Rakhine ramkulh, Kayin ramkulh, Magwe ramtthen, Irrawaddy ramtthen, Yangon ramtthen le Taningtharyi ramtthen ah a ummi minung 10 sin in COVID-19 zawtnak a ngeimi an hmuh hna hi a si.

Chin ramkulh ah cun Thantlang (Hakha ah aa thlop) ah minung pakhat le Tedim ah minung pahnih tiin Malaysia in a rak tlungmi COVID-19 zawtnak ngei an um.

Malaysia in a rak tlungmi Tedim mi pahnih hi kum 36 le kum 26 a simi pa veve an si, tiah theih a si.

Latest News

News in Burmese