Malaysia ah Tlaihmi ISIS Pa Nih ARSA a Dirkamhtu Ka Si a Ti

| The Chin Journal | Hakha, Chin State

Muslim a si lomi biaknak dang pawl cung ah thahnawnnak tuah ding timhtuahnak a ngei cuahmahmi ISIS ralhrang pahnih an tlaih hna i cu hna lak ah cun Rohingya pa zong aa tel ve.

Muslim biaknak puai Ramadan caan chung ah Malaysia cozah nih runvennak fak khun in a lak i Subang Saya ah May 5-7 tiang ralhrang luh hnawhnak an rak tuah.

An tlaihmi ralhrang pahnih lak ah pakhat hi Rohingya a si i, a dang pakhat hi Indonesia a si.

Bomb, pistol le vainam pawl zong an tlaih chih hna. Biaknak dang hna an i pumhkhawmhnak (Tck. Biakinn) pawl ah thahnawnnak tuah ding in timhtuahnak an ngei, tiah  Bukit Aman palik zung nih Media sin ah an chim.

An tlaihmi Rohingya pa nih cun, “Arakan Rohingya Salvation Army – ARSA a dirkamhtu ka si. Malaysia i Myanmar Embassy doh ding in timhtuahnak ka ngei,” tiah a chim.

Tlaih a tongmi ralhrang pahnih hi Whatsapp hmang in Syria ah a ummi Malaysia ralhrang pa he pehtlaihnak an ngei hna i cu pa nih cun nawl a pek tawn hna, tiah palik nih an langhter.

-The Star Online

Latest News