Malaysia ah Chin Pa a Ihnak Hmunte ah a Nunnak a Liam

| The Chin Journal | Hakha, Chin State

Malaysia ram, Selangor ramkulh, Cheras Taman Megah ah a ummi Chin pa Aik Nwedi Aung (kum 27) cu nihin zinglei sml. 7:30 hrawng ah a ihnak hmun ah a ruak in an hlawm, tiah theih a si.

“Nihin zinglei rianttuan kal ding a si nain a thawh rih lo caah inn khat ah a ummi a hawile nih an vung thawh. Cu ah cun a nunnak a liammi cu an hmuh. Hi ihnak khaan chung ah hin amah lawng a it i, Fan zong on buin a rak chiah,” tiah a nunnak a liammi pa i a hawi Ai Nang nih a chim.

A nunnak a liammi Aik Nwedi Aung hi Chin ramkulh, Paletwa peng, Kyaing Htin Wah khuate ah a ummi U Mon Aung le Daw Pyi Aung i an fapa a si.

A ruak cu HUKM sizungpi ah an kalpi i ruak zohfelnak an tuah hnu ah ruakvuinak kong an tawlrel te lai.

Atu bantuk in a ih bu tein a nunnak a liamnak aruang hi fiang ngaingai in theih a si lo. A ruak zohfelnak an tuah dih hnu ah a fiang te lai.

Latest News

News in Burmese