Make-up Thuhnak ah Lemcang Nu nih Uicohmur a Hman Caah an Lungrawk| Video

| The Chin Journal | Hakha, Chin State

Singapore actress Sandra Riley timi nu nih Tik Tok video a thlahmi ah Make-up i thuhnak ca ah uicohmur a hman caah saram dawtu pawl an lung a rawk ngaingai.

Sandra hi hlasa zong a si i lemcang rian zong a ttuanmi a si. Uicohmur hmang in make-up aa thuhnak video cu saram dawtu pawl nih an Facebook Group ah an tar i Sandra cu a phunphun in an mawhchiat.

Micheu uico dawtu hna nih Sandra nih aa thuhmi make-up ah hin uico ca ah ttihnungmi dat aa tel. Hitihin uico hna tuah awk a si lo, tiah an mawhchiat len.

Mawhchiat a ton ngaingai hnu ah Sandra nih, “Uico kong a theimi paoh nih cun an theihthiam ko lai. Make-up kaa thuh dih in ka uico a hmur hi ttha tein ka thianhhlimhpiak ko,” tiah a chim.

Latest News