Mahte Uknak Hmunram Taang-10 Aung Paoh Sibawi Sianghleirun Kainak Nawl an Pek

| The Chin Journal | Hakha, Chin State

Myanmar ramchung i mahte uknak nawl a ngeimi hmunram (Autonomous Regions) ah taang-10 a aungmi paoh nih Myanmar ramchung Medical College pawl ah sibawi fimthiamnak cawn khawh a si, tiah theih a si.

Ministry of Health and Sports nih September 5 ah cathanh a chuah i Myanmar ramchung lamhla hmun ah a um i, mahte uknak nawl a ngeimi Naga, Danuh, Pa-oh, Palawng, Kokaang le Wa hmunram pawl in taang-10 a aungmi paoh nih Medical College sok a ngah tiah a langhter.

Asinain, 2018 hnu in taang a aungmi le Science (Myanmar, English, Math, Chemistry, Physics le Biology) a cawngmi pawl lawng nih sok khawh a si fawn lai.

Cun, an rammi sinak ID (Hmatpungtin) ah “Naing” “Pyoh” “Eh” timi aa telmi pawl an si lai i an nulepa zong mah ID aa tlaihmi thotho cu an si a herh.

A cunglei mahte uknak hmunram pawl ah a ummi an si ko nain an umnak ah Taang-10 sianginn a um lo ruang ah a dang sianginn in Taang-10 a aungmi pawl zong ruahpiak an si ko lai, tiah Ministry of Health and Sports thawng a thanh.

Atu bantuk in mahte uknak hmunram ah a um i, Science in taanghra a aungmi pawl nih Medical College sok khawh a si timi hi aluancia 2018 zong ah khan an rak thanh cangmi a si.

Latest News