Lungfah in Esther Ca ah Ting 10 Leng Man Vote a Petu Cozah Luban

| The Chin Journal | Hakha, Chin State

Yangon ramtthen, Road Transport Administration Department (Ka Nya Na) zung ah Director a ttuan liomi Pu Lian Cin Mang hi upa tampi nih cun nan theih lai.

December 31, Star City Condo ah tuahmi Esther Dawt Chin Sung, Benjamin Sum le Yaw Kee roca peknak hmun zong ah a rak ra kho i, a rak chuak khomi zapi ca ah amah nih chuncaw zong a dangh hna.

Pu Lian Cin Mang nih, “Esther an tuah hramhram ti bak in ka ruah i kei cu ka lungfak tuk. Hla a sak lio ah a Earphone a tlonghmi hna kha an tuahpiak hramhrammi bak ah ka ruah. Cucaah, amah Esther ca hrimhrim ah ting 10 man leng vote ka pek,” tiah The Chin Journal ah a chim.

Vote a peknak MPT message pawl zoh tik ah voi khat vote a pek ah a tlawm bik vote 500 zungzal bak in a rak pek.

Pu Lian Cin Mang hi CNLD Chairman Pu Zo Zam he unau chuak khat an si i, Chin miphun a hnakar ah a tanh ngaingaitu le Yangon ah bochan tlak upa pakhat kan i ngeih vemi a si.

Latest News