Liverpool He Puai ah Messi Nih Tuahbia Thar Pahnih a Hun Tial

| The Chin Journal | Hakha, Chin State

2019 Champion League Semi-Final Round 1nk a dih bang in Messi nih bawlung a chuihnak tuanbia ah tuanbia thar pahnih a hun tial khawh.

Barcelona nih Liverpool cu Messi goal 2 le Suarez goal 1 in 3-0 in an tei hna i Final kai kho ding in lam a hun kau ngai cang.

Ahlan Barcelona le Liverpool an i ton ah Messi nih Liverpool lei ah kawl a rak sut kho ballo. Sihmanhsehlaw, atutan cu goal 2 a sut.

Cun, atutan goal 2 fonh in Messi nih Barcelona ca ah goal 600 a kawlnak a si i, tuanbia thar a hun tial chap.

Cun, atutan Champion League ah Messi nih goal 12 a sut i goal tambik a ngeitu dirhmun ah a um. Amah he aa khingkhang bak timi Ronaldo cu atu Champion League ah goal 6 lawng a sut khawh.

Champion League Semi-Final a Round 2nk Liverpool le Barcelona puai cu aralaimi May 7 ah a si lai. May 8 ah Tottenham le Ajax zong Semi-Final Round 2nk an chuah ve lai.

A cunglei Team li lak ah a taangmi Team 2 cu June 1 ah Final an chuih te lai. Atulio ah cun Barcelonak nih goal 3 aa ngaih cia cang tikah Liverpool hi May 7 puai ah aa zuam ngaingai a hau lai.

Cun, Tottenham zong Ajax nih goal 1 in Round 1nk ah a tei caah May 8 puai ah aa zuam ngai a hau ve lai.

Latest News

News in Burmese