Lei-um ah Cement Sernak Lungraang Kum 250 Ca Tiang a Um

| The Chin Journal | Hakha, Chin State

Hakha peng, Lei-um khua pawng ah Cement (Biletmay) ser nakding Lungraang (Limestone) hi kum 250 ca tiang a um, tiah Myanmar Vice President Henry Van Thio nih a chim.

Lei-um ah tuah dingmi Cement Sehzung kong he pehtlai in Vice President nih January 16 ah a cunglei bantuk in a langhter hi a si.

“Bungzung pawng i Lei-um ah nikhat Cement Ton 5,000 (Dip 100,000) a chuah kho dingmi sehzung kan ser lai. Atu i a fiang cangmi thil sining ah Cement hi dip 100,000 kan chuah a si ahcun kum 250 ca a zawh dingmi Lungraang hi a um cang. Kawl chap ah cun tampi a um rih khomi a si,” tiah Vice President nih a chim.

Cement sehzung hi pahnih in dirh timh a si i, ahmasa ah pakhat hi an ser hmasa lai. Cu dih cun a dang sehzung pakhat ser chap a si lai.

Lei-um Cement sehzung sernak kong he pehtlai in a herhmi ca pawl a dotdot in an chiah lio a si i, ramkomh cozah nih ttuan ding in fehternak le nawl onnak a tuah lecangka in rianhma domh a si lai, tiah theih a si.

Latest News

News in Burmese