, /

Laitlang Palik Pathum Mizoram ah an Zaam

The Chin Journal | Hakha | Chin State

Myanmar ralkap uknak kut tang ah rian a ttuan duhlomi Laitlang palik pathum cu Mizoram ah March 3 ah an rak zaam, tiah India palik nih nihin ah an langhter.

Serchhip District palik bawi Stephen Lalrinawma nih, “Myanmar ralkap nih nawl an pekmi hna zulh awk a tthat hrim lo caah Mizoram ah an rak zaam hi a si,” tiah Reuters thawngzamhnak sin ah a chim.

“An ngandamnak zohfelnak ttha tein kan ngeih hna i, an um nakding zong ttha tein kan tawlrelpiak hna lai,” tiah Stephen Lalrinawma a chim chap.

Myanmar ralkap nih NLD kut cung in uknak a chuh hnu ni tlawmpal ah CNF/A zong nih Mizoram cozah sin ah dornak nawl an rak hal.

Mizoram Chief Minister Pu Zoramthanga zong nih, “Myanmar ah ralkap nih uknak a lak ruang ah kan unau pawl lungrethei le harsa in an um. Mizoram ah a rak zaammi an um a si ahcun lumsa tein don ding in timhcia in kan um hna lai,” tiah a rak chim.

Cherhchan: Reuters, Aljazeera

THE CHIN JOURNAL

The Chin Journal Internship Program ah Thantlang le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.