Laitlang ah Khaini, Kunpawng Le Raja Pawl a Let in Man Kai

| The Chin Journal | Hakha, Chin State

COVID-19 zawtnak a chuah hnu ah Chin ramkulh chung ah India lei in a lutmi Khaini, Kunpawng le Raja tibantuk pawl a let in an man a kai, tiah theih a si.

COVID-19 a can hlan ah Tedim khua ah hin Khaini dur khat ah Kyat 500 in rak cawk khawh a si i, atu ah cun 1,500 ah a phan cang.

Kunpawng zong htoh 6 ah 1,000 in cawk a har ngaingai cang, tiah Tedim khuami pakhat nih Chin World ah a chim.

Hakha ah hin COVID-19 a can hlan ah khan Kunpawng htoh 4 ah 500 in an rak cawk khawh nain atu ah cun htoh 6 ah 1,000 a si ve cang.

Hakha khuami pakhat nih, “Raja hi ahlan cu htoh khat ah 500 in kan rak cawk. Asinain, atu cu 1,500 ah a kai cang,” tiah a chim.

Matupi khuami pakhat zong nih, “Khaini hi ahlan ah dur khat ah 500 le 800 kar a rak si. Atu cu 1,000 a si cang. Kunpawng tu cu cawk awk a um lo lawlaw khi si cang,” tiah a chim.

COVID-19 ruang ah ramri thla khat chung an khar a si caah atu bantuk in Khaini, Kunpawng le Raja man pawl an kainak a si, tiah ding-eitu hna nih cun an ruahdamh ve.

Cherhchan: Chin World

Latest News

News in Burmese