Kyat Sing 2100 Dih in Hriphi-B Khua ah Medium Hydro Electric an Tuah Cuahmah, Electric in Rawl an Chum Kho Cang Lai

| The Chin Journal | Hakha, Chin State

Pyithaungsu cozah bawmhnak in Thantlang peng Hriphi-B khua ah Medium Hydro Electric an tuah cuahmah tiah theih a si.

Electric caah Hriphi khuami upa hna nih Vice President Henry Van Thio sin ah bawmh an hal hnu ah Pyithaungsu Budget Ks. Sing 2000 (Ks. 210,000,000) bawmhnak an pek hna hi a si.

“Pyithaungsuu cozah bawmhnak Ks. Sing 2100 in Medium Hydro Electric kan tuah cuahmah. Kalay hrambunh Aung Chan Thar Company nih rian an tuah cuahmah lio a si. Atu tiang ah tidil cu aa lim cang, 75% hrawng cu kan dih cang tiah Aung Chan Thar Company ngeitu U Win Bo nih a chim” tiah Hriphi-B khuami pakhat nih The Chin Journal ah a chim.

Midium Hydro Electric aa hun lim a si ahcun Hriphi-B khuami hna nih zeitik caan poah ah electric in rawl an chum kho cang lai tiah a chim chap.

Latest News