Kum (9) Chin Ngakchia Nu Tlaihrem a Tonnak Nehnang Kan Hmu Lo Tiah Sibawi Nih a Chim

| The Chin Journal | Hakha, Chin State

Chin ramkulh, Tonzaang peng ah lam riantuan in a ummi Bo Win kum (27) timi pa nih a tlaihrem an timi taang-3 kai lio kum (9) Chin ngakchia chiatha tlaihrem a tonnak nehnang kan hmu lo, tiah Dr. Thang Shin Khai nih a chim.

July 22 ah khan Bo Win nih Tongzang peng khuate i aa thumh chungnak inntek hna an fanute cu a tlaihrem tiah an ti i, Kalay lei a zaamnak lampi ah palik nih an tlaih.

Tongzang sizungpi ah ngakchia nute cu checknak an tuah hnu ah Dr. Thang Shin Khai nih tlaihrem a tonnak nehnang kan hmu lo tiah a chim hi a si.

“Kan check i kan hmuhning ah a chiatha tlaihremnak nehnang a um lo. Cun, a takpum ah lenglei hma a putmi zong a um lo. Cu lawng si loin ngakchia nute chiatha ah pa-baw zong a kan hmu lo. Atu hi ngakchia nu i nu-tihaang kan check lio a si,” tiah a chim.

Tonzaang sakhaanhmu Soe Win nih, “Palik sakhan kan hren ko. Ka tlaihrem tiah aa vuankhan zong a si lo. A ka tlaihrem lo tiah zong a ti lo. Mah thil a can ni ah hin Bo Win hi a hawile he nuamhnak ah zu a ding i a rii tiin amah pumpak nih cun a chim,” tiah a langhter ve.

Bo Win cu kumtlinglo tlaihremnak pohma 376 in case on a si i, Tonzaang palik zung ah an hren chung, tiah theih a si.

Latest News