Kum 7 Hnu ah Mipi Hmai ah aa Langh Thanmi Rialdip Uktu U Than Swe

| The Chin Journal | Hakha, Chin State

Kum caan saupi Kawlram kap a hruai hnu ah 2011 in a rian in aa dinmi Kawlram ralbawizik hlun U Than Swe cu kum 7 leng a rauh hnu ah mipi hmaika a hun i langh than.

Naypyidaw ralkap sizungpi ah tuahmi U Than Swe fanu Daw Khin Pyong i a vapa U Thein Naing (Ralbawi hlun) ruakhumhnak ah rialdip uktu U Than Swe le a nupi Daw Kyaing Kyaing an run i langh hi a si.

Ngandam in a um rihmi rialdip uktu U Than Swe cu President hlun U Thein Sein telh in ralkap lei minung hna nih khulbil in bia an ruah.

Ralbawi hlun U Thein Naing cu June 14 ah khan Naypyidaw sizungpi ah pawpi damlonak in a nunnak a liam.

U Thein Naing ruakhumhnak ah rialdip uktu U Than Swe telh in atulio Myanmar ram ralbawizik Min Aung Hlaing, Myanmar President hlun U Thein Sein le a dangdang ralkap bawilian pawl an phan dih hna.

2011 ah rammipi mithmaika in a tlaumi U Than Swe le a nupi Daw Kyaing Kyaing

2011 thawk in Myanmar rammi hmaika aa langh ti lomi U Than Swe cu caan karlak chung ah a nunnak a liam timi thawngpang vaivuam zong a rak chuak tawn.

Asinain, atutan a tupa ruakhumhnak a run langh ning zoh tikah a ngandam ngai sehlaw a dawh rih.

-Irrawaddy

Latest News