Kum 27 Thong an Tlak Hnu ah Mithat a Si Lo Tiah an Hmuh, $27 Million an Liamh

| The Chin Journal | Hakha, Chin State

Mithattu a si tiah biaceih zung nih bia a rak chah i kum 27 chung thong a tlak hnu ah mithattu a si than lo tiah an timi pa Mark Schand cu biaceih zung nih $27 million liamrulhnak pek ding in bia a chah, tiah theih a si.

Aluancia 1987 ah khan Massachusetts, Springfield ah meithal kahnak a rak chuak i cu lio ah cun nu pakhat a nunnak a liam. Cu kong ah cun Schand hi kum 27 thong an rak thlak.

2013 ah Centurion timi bu nih tehte thar pawl an chuahpi i, Schand hi mithattu a si lo, biaceihnak palh tuk ruang ah thongthlak a tonmi a si, tiah an rak ti.

Cucaah, October 4, 2013 ah Schand cu an rak thlah than. 2015 ah Schand nih Springfield palik pali taza a cuai hna. Palik pali nih hin biaceih zung ah nawlnak an tuah i atu tiang bia an chat kho rih lo.

Schand cu mithat a si lo nain kum 27 thongtlak a ton ruang ah kum khat ah $1 million in an tuakpiak i kum 27 ca ah $27 million bak biaceih zung nih September 2019 ah khan a liamh ve.

-NPR

Latest News