Kum 15 Thongtlak Khawhnak Upadi in Tanintharyi Ramthen Chief Minister Taza an Cuai

| The Chin Journal | Hakha, Chin State

Tanintharyi ramthen Chief Minister Dr. Lay Lay Maw le Global Grand Services-GGS Company tuanvo ngeitu Managing Director U Than Htwe, Director U Aung Myat le U Thura Ung cu ziknawh eihmuar dohdalhnak upadi ning in Dawei palik sakhan ah case an on hna.

Naypyidaw, Yangon le Dawei khua i hlathlainak tuahmi chung in tazacuai an si tiah ziknawh eihmuar dohdalhtu zung nih March 10 ah thawng an thanh.

2016 April thla Kawl titoih puai mandat saknak, 2016 Dawei University chung burbuk pawl thiamhhliamhnak le Dawei airport a lenglei burbuk thianhhliamhnak ah ningcang loin F-22 Sunny company rian a pek hna.

Cun, Dr. Lay Lay Maw cu cozah budget lei zulhphung buar le Pyithaungsu cozah nawlpek ning pakhat hmanh tel loin Ks. 1.9 Billion hrawng lam lei zung a pek hna tiah ziknawh eihmuar dohdalhnak zung nih an chim.

2018 October thla ah Dr. Lay Lay maw vapa nih U Myint Hu min in cawkmi inn pahnih cu Ks. Sing 140 dih in lam lei zung lutlai pa pakhat tlakrawh vampang a kulhter. A dihmi tangka cu lam lei zung lutlai pa nih a pek than hna.

Dr. Lay Lay maw te chungkhar nih ngeihmi Ks. Sing 320 man inn pakhat zong GGS Company sin ah Ks. Sing 2000 in a zuarh hna hlei ah Company rian ngan tuan dingmi phun 9 hranwg GGS Company lawng a pek hna tiah ziknawh eihmuar dohdalhnak zung nih a langhter.

Cucaah Dr. Lay Lay Maw cu ziknawh eihmuar dohdalhnak upadi pohmah 55 in Dawei palik sakhan ah report an tuah. Cun, GGS Company tuanvo ngeitu minung 3 zong pohmah 55/63 in case 4 an then hnu ah Anti-Corruption Commission of Myanmar nih tazacuai a timh ve hna.

-DVB

Latest News