Kum 12 a Hun Si ah Man Fak Ngai a Simi ‘BMW’ Mawtaw Amahte in aa Cawk Khawh

| The Chin Journal | Hakha, Chin State

‘Natthanan’ tiah auhmi Thailand ngakchia nu nih hin kum 12 a tlin birthday ah amah ngeihmi tangka in BWM mawtaw tha ngai a cawk i amah le mah laksawng aa pe.

Zeiruang ah hi tluk in a rum ti ahcun, anih hi kum 3 ngakchia a rak si lio in ‘Make-up artist’ hi aa hruhpi chih. A ngakchiat tein mi ttamh ning kong video pawl online ah a hun tar tawn.

Kum 7 a hun si ah a nu le a pa nih Make-up artist kong hlathlai le cawn ding in nawl an onh. Duhsah tete in Make-up kong a hun hlathlai hnu 2018 ah The London Fashion Week ah aa tel kho ve.

Cu ni thok cun Instagram ah followers 40,000, YouTube ah 282,000 subscribers le Facebook ah Ting 10 leng followers a hun ngei.

A hnu ah cun ngakchia mirum ngai ah aa hun chuah. Aluancia ni tlawmpal ah khan kum 12 a tlin birthday a hun si i a man fak ngaimi BWM mawtaw pakhat a cawk hnu ah amah le mah chuah ni laksawng aa pe.

“Happy birthday to me. This year, I will be 12 years old. I’m thankful for everything I have so far. Thank you for always following and encouraging me. I love everyone very much. Thank you for all the blessings. May everyone be blessed, too.” tiah ‘Natthanan’ nih cun a chuah ni ah a langhter chih.

-Nextshark

Latest News

News in Burmese