Kum (1) Hnu Hrawng lawng ah Hakha ah Gen. Aung San Milem an Phun te Lai

| The Chin Journal | Hakha, Chin State

Atu hnu kum (1) hrawng lawng ah Hakha khua ah Gen. Aung San milem phunnak rian an domh khawh te lai, tiah theih a si.

Aruang cu Aung San milem phun hlan ah Sipin Park/Panchian ser hmasa a hau i cucu caan lak in tuanchuah ta a hau.

Sipin Park hi Hakha khuachuah, acre 3.8 a kauhnak hmun ah tuah ding in timhtuah a si i, cu rian an lim hnu lawng ah Aung San milem chiah a si ve te lai.

“Aung San milem lawng si loin Chin miphun kan pale pathum hna i milem pawl zong phun ding in timhtuahnak kan ngei. Chin miphun kan pale hna i lungphun tuah ding in nikum ah timhtuahnak kan rak ngei cang nain budget nih a rak kan zawh lo caah kan rak tuah kho lo,” tiah sipin vuanci U Soe Htet nih a chim.

Hakha khuapi ah Aung San milem phun ding timi thawngpang nih ramchung ramleng Chinmi hna zatlang naihrawng a hun hninhseih ngaingai.

Micheu nih kan duh bak lo an ti bang in Panglong ah min a thumi kan pale pathum milem an phun chih ahcun kan hna a tla ko a titu zong an um ve.

Aung San milem he phun chih ding timi Chinmi kan pale pathum cu Pu Hlur Hmung, Pu Thawng Za Khup le Pu Kio Mang hna hi an si.

-Khohnumthung

Latest News