Korea, Myanmar, Thai Lengdawh Pawl Fonh in Sermi K-Pop Bu an Hrawh Than

| The Chin Journal | Hakha, Chin State

South Korea, Myanmar le Thailand hlasak thiam lengdawh panga fonh in dirhmi “Rose Quartz” K-pop hlasa bu cu October 4 thawk in an hrawh, tiah theih a si.

Rose Quartz hlasabu hi JBJ Entertainment nih a rak sermi a si i, Thailand ram ah a ummi 0316 Entertainment he zong hla fung thum chuah ding in hnatlaknak an rak ngei.

Cu hla chuahnak ca ah cun Myanmar, Thailand le Korea tibantuk pawl ah Rose Quartz cu khual zong an rak tlawng len.

JBJ Entertainment le 0316 Entertainment karlak hnatlaknak an rak tuah ning in June 2019 ah an rian aa lim dih cang caah atu bantuk in Rose Quartz hlasabu an hun hrawh hi a si.

Rose Quartz chungtel Myanmar rammi Cindy le Naychi cu Rose Quartz bu hrawh a si nain an pahnih in hlasaknak lamthluan ah karhlang ti ding in timhtuahnak an ngei thotho.

Rose Quartz bu nih an i chuahmi hla lak ah mi tam u nih theih bikmi hla hna cu “Realize” “Ra Pa Pam Pam” le “3, 2, 1” timi hla hna hi an si.

Latest News