KIA nih SAC Ralhrang Sakhaan Pakhat an Khangh

| The Chin Journal | Hakha, Chin State

July 11 zaan sml. 8:10 ah KIA nih Kachin ramkulh, Wine Maw peng chung i SAC ralhrang sakhaan pakhat mei in an khangh, tiah theih a si.

Wane Maw peng, Aung May (1) khuate pawng ah hmun a khuarmi SAC ralhrang bu Kha Ma Ya (321) cu zaan sml. 8:10 ah KIA nih an kah hna i, zaan sml. 9:15 tiang an i kap.

SAC ralhrang lei in a thimi an tam ngaingai nain fiang in fehter awk a ttha rih lo.

KIA nih an sakhaan an khanghpiak hna i, ralhriam cheukhat zong KIA nih an lak khawh.

Atukar hrawng hi Kachin ramkulh chung lawng ah si loin Sagaing ramtthen chung zong ah KIA le PDF i bawm in kahdohnak pehzul in a um.

July 5 thawk in KIA le PDF i bawm in Kachin ramkulh le Sagaing ramtthen ah SAC ralhrang an doh hna i SAC ralhrang 180 leng an thi, tiah Katha-PDF nih thawngpang zong an chuah.

Latest News

News in Burmese