Khuathar Pastor Pa Ar a Firtu Mifir Pahnih an Tlaih Hna

| The Chin Journal | Hakha, Chin State

Hakha khuathar ah ar tampi a firtu mifir pahnih cu nihin zanlei ah khuami nih an tliah hna i palik kut ah an ap hna, tiah thawng kan theih.

Nizan zaantim sml. 12:30 ah Khuathar ah a ummi pastor pa ar pahnih an fir i, tlaih ding in khuami nih an hlat hna hnu ah atu bantuk hin an tlaih khawh hna hi a si.

Nihin zanlei ah khan an firmi ar an zuarnak hmun ah an vung hmuh hna i tlaih manh loin an zaam kho.

Asinain, zaan sml. 7:45 hrawng ah Hakha Golf Club ah an hmuh tthan hna i cuka ah cun an tlaih khawh hna.

Mifir pahnih hna cu Pu Ceu Dum (kum 42) le Pa Thawng Peng (kum 24) an si. Hakha Golf Club ah an tlaih hna lio ah Pu Ceu Dum cu Golf Club ah a ummi tibual chung ah a zuang. Asinain, an tlaih khawh thotho.

Pastor pa ar pahnih an firmi cu an rak zuar diam cang. Asinain, midang ar an fir i an zuar khawh rih lomi ar pakhat an rak i ken rih.

Hi mifir pahnih hi an fir tuk ruang ah ahlan an rak umnak khua (khua min kan langhter hramhram lo) zong in an rak tthawlmi hna an si, tiah mifir a tlaitu Khuathar upa pakhat sin in thawng kan theih.

Latest News

News in Burmese