Khualtlawng Vanlawng a Tla, Minung 170 Leng an Nunnak a Liam| Video

| The Chin Journal | Hakha, Chin State

Iran ram in Ukraine ram lei ah a zuangmi khualtlawng vanlawng cu Iran ramchung ah a tla i aa citmi khualtlawng an zapi in an thi dih, tiah theih a si.

A tlami vanlawng hi January 8 zinglei ah Iran ram, Tehran khua i Imam Khomeini International Airport in Ukraine ram lei ah a zuangmi Boeing 737 khualtlawng vanlawng a si.

Vanlawng cung ah khualtlawng 167 an i cit i vanlawng mong le rianttuantu minung 9 zong an i tel ve.

Vanlawng a tlaknak hmun hi Tehran khua pawng ah a si i, van i a zuan hnu tlawmpal a rauh ah a tlak hi a si.

Mibawmtu pawl nih vanlawng a tlaknak hmun ah an vung kal tik ah cun a nungmi ahohmanh an um ti lo.

Iran Civil Aviation Organization biachimtu Reza Jafarzadeh nih, “A tlami vanlawng ah aa citmi khualtlawng tam u cu kanmah Iran rammi an si,” tiah a chim.

Vanlawng a tlaknak aruang fiang in theih a si rih lo i, hlathlainak an tuah cuahmah lio a si.

-Press TV

Latest News

News in Burmese